Коман "Бавария"да қолмоқчи

"Бавария" ярим ҳимоячиси Кингсли Коман Мюнхенда қолишни режалаштирмоқда. Бу ҳақда Sky Sports нашри хабар бермоқда.

Юқоридаги манбага кўра, 24 ёшли франциялик футболчига "Манчестер Юнайтед"дан жиддий қизиқиш бор. "Қизил иблислар" унга йилига 14,4 миллион евро маош беришга тайёр. Аммо Коман жамоасини ўзгартирмоқчи эмас. Ўз навбатида "Бавария" раҳбаряти ҳам таркибнинг етакчи аъзосини йўқотишни хоҳламаяпти.

Кингсли Коман жорий мавсум "Бавария"да 24 та ўйинда майдонга тушди ва 6 та гол ва 12 та голли узатмага муаллифлик қилди.