Konor Benn: "Rayan Garsiyani muddatdan avval mag‘lub etaman"

Keyingi oy Konor Benn (25-1, 14 KO) va Rayan Garsiya (25-2, 20 KO) yarim o‘rta vaznda WBC chempionligi uchun ringga ko‘tariladi. Mutaxassislar fikricha, Benn uchun bu bahsdagi asosiy qiyinchilik raqibning o‘zi emas, balki belgilangan 66,7 kilogramm vazn me’yoriga tushish bo‘lishi mumkin.

Britaniya boks afsonasining o‘g‘li yarim o‘rta vaznda oxirgi marta to‘rt yil avval jang qilgan. Shunga qaramay, u WBC yo‘nalishida majburiy da’vogarlik maqomini qo‘lga kiritdi.

"Bu yarim o‘rta vazndagi so‘nggi jangim bo‘ladi. Men Garsiyani muddatidan oldin mag‘lub etib, jahon chempioniga aylanaman va keyin og‘irroq vazn toifasiga o‘taman. Faoliyatimni birinchi o‘rta va o‘rta vaznda davom ettiraman, keyin esa, ehtimol, supero‘rta vaznda ham ishtirok etishim mumkin", — dedi britaniyalik.

Eslatib o‘tamiz, Konor Benn va Rayan Garsiya to‘qnashuvi 12 sentabr kuni Las-Vegas shahrida o‘tkaziladi.