Конор Макгрегор: "Ирландия фуқаролари, ўзгаришлар вақти келди!"

UFC нинг икки вазн тоифасида собиқ чемпиони, ирландиялик юлдуз Конор Макгрегор мамлакат президенти лавозимига ўз номзодини қўйиш учун фуқаролардан қўллаб-қувватлашни сўради.

"Ирландия фуқаролари, ҳақиқий ўзгариш вақти келди! Президент сифатида мен ҳеч қандай қонунни халқ тасдиғисиз имзоламайман. Агар менинг исмим сайлов бюллетенида бўлишини истасангиз, бугуноқ маҳаллий кенгаш аъзоларингизга мурожаат қилинг ва менинг номзодимни қўйишни сўранг. Бизга ҳақиқий ўзгаришлар керак", — деди Конор.

Шунингдек, Макгрегор маҳаллий кенгаш аъзоларининг овози ҳукумат томонидан кўпинча эътиборсиз қолдирилаётганини таъкидлади.