Конор Макгрегор қачон октагонга қайтмоқчи?

UFCнинг собиқ чемпиони Конор Макгрегор 2023 йил бошида октагонга қайтиш ниятида эканлигини малум қилди.

"Мен тез орада қайтаман. Умид қиламанки, бу 2023 йилнинг биринчи чорагида амалга ошади. Яна бир неча ойдан сўнг мен машғулотларни бошлайман", - деб ёзди Конор ўзининг ижтимоий тармоқлардаги саҳифасида.

Таъкидлаш керакки, АҚШ Антидопинг агентлиги (USADA) қарорига кўра, Конор жангга рухсат берилишидан олдин допинг тест топширади ва камида олти ой допинг-офицерлар назоратида бўлади.

Агар Макгрегор 28 октябрда тест топширишни бошласа, у 28 апрелгача октагонга кира олмайди.

Эслатиб ўтамиз, бундан аввалроқ Александр Волконовски келажакда Конор Макгрегорга қарши жанг қилиш ниятида эканлигини маълум қилган эди.