Конте “Наполи”дан кетишини эълон қилди

“Наполи” бош мураббийи Антонио Конте А Серия 38-туридан ўрин олган “Удинезе”га қарши ўйиндан сўнг жамоани тарк этишини маълум қилди.

Италиялик мутахассис 2024 йилда неаполликлар бошқарувини қабул қилиб олган эди. У илк мавсумидаёқ жамоани чемпионликка олиб чиққан.

"Бир ой олдин президент Де Лаурентисга қўнғироқ қилиб, ҳеч нарса сўрамадим. Фақат йўлим якунига етаётганини айтдим. Бу қарорни аллақачон қабул қилиб бўлган эдим.

“Наполи”да бир нарсада муваффақиятсизликка учрадим — жамоада тўлиқ бирликни таъминлай олмадим. Бирликсиз эса катта жамоаларга қарши курашиш қийин. Атрофда жуда кўп салбий муҳит бор эди. “Наполи”га бундай одамлар керак эмас", — деди Конте.

Маълумот учун, жамоа жорий мавсумни 76 очко билан А Серияда 2-ўринда якунлади.