"Копа Америка": Хайр, Бразилия!

"Копа Америка"нинг чорак финал учрашувлари ўз ниҳоясига етди. Ярим финалга Аргентина, Канада, Колумбия ва Уругвай терма жамоалари йўл олишди. Шу билан бирга, Бразилия турнир билан хайрлашди. 

Уругвайга қарши ўйинда ҳисоб очилмагач, пенальтилар сериясга мурожаат қилинди. Дастлаб. Милитао, кейин эса Дуглас Луис гол ура олмади ва жамоа мағлубиятга учради. 

Бу натижа кўпчиликни ҳайратга солмагна бўлса ҳам ажаб эмас. Бразилияликлар гуруҳдан иккинчи ўрин билан чиққани, турнир давомида фақатгина бир маротаба ғалаба қозонгани мамлакат мухлисларига ҳам ёқаётгани йўқ.

Сўнгги марта Бразилия 2016 йилда бўлиб ўтган чемпионатда финалгача етиб кела олмаган. Ундан кейин 2019 йили биринчи, 2021 йили эса иккинчи ўринни қўлга киритганди. 2016 йилги "Копа Америка"да "пентакампеонлар" гуруҳда қолиб кетган ва жамоа бош мураббийи Дунга ўз лавозимидан озод қилинган. 

Шу тариқа, Уругвай ярим финалга йўл олди. Кейинги рақиб Колумбия.