Кот-д’Ивуар мураббийи: "Германияни мағлуб этиш учун майдонга чиқамиз"

Кот-д’Ивуар терма жамоаси бош мураббийи Эмерс Фаэ Германияга қарши бўлажак Жаҳон чемпионати учрашуви олдидан ўз фикрлари билан ўртоқлашди.

Африка вакиллари мундиални Эквадор устидан қозонилган 1:0 ҳисобидаги ғалаба билан бошлаган эди. Энди уларни 20 июнь куни Германияга қарши муҳим баҳс кутиб турибди.

"Биз бу ерга АҚШни томоша қилиб, кейин уйга қайтиш учун келмаганмиз.
Биз яқинда Францияни мағлуб этдик ва турнирни ҳам жуда кучли жамоа бўлган Эквадор устидан ғалаба билан бошладик.

Германияга қарши ўйин қийин бўлади. Улар жуда катта тажрибага эга ва бир неча бор жаҳон чемпиони бўлган. Таркибида Европанинг энг йирик клубларида ўйнайдиган футболчилар бор ва ҳужум чизиғи ҳам жуда хавфли.

Бу осон вазифа эмас, аммо биз ғалаба қозониш ва иккинчи турнинг ўзида плей-офф масаласини ҳал қилиш учун уларга қарши курашамиз", — деди Фаэ.

Эслатиб ўтамиз, Германия биринчи турда Кюрасаони 7:1 ҳисобида мағлуб этган бўлса, Кот-д’Ивуар Эквадордан устун келган. Шу сабабли иккинчи тур баҳси Е гуруҳида пешқадамлик учун ҳал қилувчи аҳамият касб этиши мумкин.