Кроос “Реал”га қайтишини айтди

Ўтган ёзда профессионал футболчилик фаолиятини якунлаган Тони Кроос келажагини “Реал” билан боғлашга тайёр эканини айтди.

Германиялик футболчи ёзда бўлиб ўтган Европа чемпионатидан кейин бутсаларини михга илишга қарор қилган ва “Реал” уни катта футболдан кузатиб қўйганди.

- “Реал” билае яқинлигимни инобатга олиб, келажакда бу клубга қайтиш имкониятимни инкор қилмайман. “Реал” билан муносабатларимиз ҳар доим ўзига хос ва ўзгача бўлиб қолаверади, - деди Тони Кроос.

Моҳир ярим ҳимоячи “Қироллик клуби”да 2014-2024 йиллар давомида тўп тепган. Бу даврда Кроос жами 465 та учрашувда иштирок этиб, рақиблар дарвозасини 28 маротаба ишғол қилган ва жамоадошларига 99 та голли пас узатган.