Кубокни ютган "Андижон" Тошкентда ўртоқлик ўйинида майдонга тушади

Ўзбекистон Кубоги соҳибига айланган “Андижон” бугундан чемпионатнинг навбатдаги ўйинига тайёргарлик кўришни бошлайди.

Қаҳрамонлар бугундан Тошкентда тўпландилар. Маълумки, айни пайтда ФИФА кунлари бошланганлиги муносабати билан Суперлигамизда ҳам танаффус юзага келган. Шундан фойдаланган ҳолда “Бургутлар” пойтахтда йиғинга киришдилар.

У ердаги машғулотлар давомида 11 октябрь санасида “Сурхон”га қарши ўртоқлик учрашуви ўтказилиши режалаштирилган.

Эслатиб ўтамиз, “Андижон” жамоаси 19 октябрь куни Суперлиганинг 21-тур доирасида Олмалиқда “Металлург”га қарши майдонга тушади.