Кукурелья: "Жамоада на ўйин услуби бор эди, на аниқ режа"

"Челси" ҳимоячиси Марк Кукурелья Клублар ўртасидаги Жаҳон чемпионати финали ПСЖга қарши беллашувдан аввал "аристократлар" сафига келганида бошидан кечирган қийинчиликлари ҳақида гапирди.

"Илк ойларда мен учун осон бўлмади. Жамоада на ўйин услуби бор эди, на аниқ режа. Мен эса — тўпни олиб, ҳаммасини ёлғиз ҳал қиладиган футболчи эмасман. Мен жамоа яхши формада бўлганида яхшироқ ўйнайман.

"Челси" мен учун катта пул тўлади. Ҳамма мендан ҳар ўйинда гол урадиган "мошина" бўлишимни кутди. Аммо ўзим ҳам илк ўйинларимдан мамнун бўлмаганман.

Мен ҳали ҳам ўша Кукурельяман, фақат энди ўзимга ва қобилиятларимга ишончим ортиб борди" — деди футболчи "talkSPORT" нашрига.

Эслатиб ўтамиз, испаниялик ҳимоячи 2022 йил ёзида "Брайтон"дан 65 миллион еврога сотиб олинганди. Бугун у "Челси" билан Клублар ўртасидаги Жаҳон чемпионати финалида ПСЖга қарши майдонга тушади.