Куртуа: “Мен Винисиусни яхши футболчи деб ўйлаган эдим”

“Реал Мадрид” дарвозабони Тибо Куртуа Рио Фердинандга берган интервьюси давомида бир неча қизиқарли мавзулар ҳақида гапириб ўтиб, Винисиусдан бундай ўйин кутмаганини тан олди. Шу билан бирга, собиқ жамоадоши ҳисобланган Тони Кросс ҳақида ҳам қисқача айтиб берди. 
 
“Тўғрисини айтсам, мен Винисиус Жуниорни яхши футболчи бўлади деб ўйлаган эдим. Бироқ, бразилиялик юлдуз биз кутганданам буюк ўйинчига айланиб кетди. 
 
Тони Кроос ҳар доим чап оёғи ва ўнг оёғи билан нима қилишни билар эди. Германиялик футболчи тўпни қабул қилишдан олдин уни қаерга узатишини аллақачон сезар эди ҳам. Биз уни бу йил жуда соғиндик” – деди белгиялик посбон.

Маълумот ўрнида, 32 ёшли футболчи жорий мавсум "қироллик клуби" сафида 31 та беллашувда иштирок этиб, 34 та тўпни ўтказиб юборди. 10 та тўқнашувда эса дарвоза дахлсизлигини сақлаб қолишга муваффақ бўлди.