Ла Лига. "Реал" Мбаппе ва Родригонинг голлари эвазига қийинчилик билан ғалаба қозонди
Испания Ла Лигасининг 17-турида "Реал Мадрид" сафарда қийин учрашувни ўтказган бўлса-да, "Алавес" устидан ғалаба қозонди (2:1).
Беллашувнинг 24-дақиқасида жароҳатдан қайтган Килиан Мбаппе Жуд Беллингемнинг чиройли пасини голга айлантирди. "Алавес" футболчиси Карлос Висенте эса 68-дақиқада офсайд чизиғини ушлаш бўйича мастер класс ўтаб берди ва ҳисобни тенглаштирди. 76-дақиқага келиб Винисиус Жуниорнинг тривела узатмасини Родриго голга айлантирган ҳолда, "қаймоқранглилар"нинг ғалабасини таъминлади.
Маълумот ўрнида, "қироллик клуби" ушбу тўқнашувдаги ғалабаси орқали очколар сонини 39 тага етказиб олиб, пешқадам "Барселона" билан фарқни 4 тагача қисқартириб олди.
- Испания - Ла Лига
- Regular Season
Депортиво Алавес
- Carlos Vicente 68'
Тугади
1
:
2
15.12.2025 01:00
Реал Мадрид
- Kylian Mbappé 24'
- Rodrygo 76'
Фикрлар