Лапорта жамоага мослаша олмаган футболчини сотмоқчи эмас

"Барселона" клуби президенти Жоан Лапорта ярим ҳимоячи Франк Кесси трансфери бўйича таклифларни қабул қилмайди.

Николо Скиранинг хабар беришича, "Милан" собиқ футболчиси жамоага мослашишдаги қийинчиликлар туфайли январь ойидаёқ Италияга қайтиши мумкинлиги тахмин қилинётганди. Аммо Лапорта буни бутунлай рад этди: "Йўқ, биз қишда Кессини сотмоқчи эмасмиз. У биз учун муҳим ўйинчи бўла олишига ишонамиз", - деди каталонияликлар президенти.

Олдинроқ клуб спорт директори Йорди Кройфф 26 ёшли кот-д'Ивуарлик футболчини сотмаслиги ҳақида айтганди. Футболчининг агенти ҳам мижозининг кетиш нияти йўқлигини маълум қилганди.