Легионерларимиз. Алибоевнинг жамоаси аутсайдер билан ўйинда очко йўқотди
Ads

Ҳамюртимиз Икром Алибоев фаолият олиб борадиган "Сеул" клуби бу тур сафарда "Жежу Юнайтед" клубига қарши баҳс олиб борди. "Жежу Ворлд Кап" стадионида кечган учрашувда кучлар тенг келди - 1:1.

Алибоев беллашувни асосий таркибда бошлади ва 90 дақиқа давомида майдондаги фаол ҳаракатлари билан ажралиб турди. Юртдошимиз ўйиннинг 39-дақиқасида ҳакам томонидан огоҳлантирилди. Шу тариқа, "Сеул" ҳисобидаги очколар сони 47 тага етди ва жамоа турнир жадвалида 3-ўринда бормоқда. "Жежу" ҳисобидаги очколар эса 19 та бўлиб, жамоа лигадаги 12 клуб орасида 11-поғонани эгаллаб турибди.

Эслатиб ўтамиз, Алибоев Эктор Купер томонидан Ўзбекистон миллий терма жамоасининг ЖЧ-2022 саралаш босқичи доирасида Фаластинга қарши кечадиган баҳс учун терма жамоага жалб этилган. Режага кўра, "оқ бўрилар" 28 августдан машғулотларга киришишади.