Леннокс Льюис ёки Майк Тайсон. Баҳодир Жалоловдан танлов!

“Жанг” лойиҳасининг навбатдаги иштирокчиси Баҳодир Жалолов бўлди. Лойиҳанинг бу ҳафтадаги қаҳрамонлари Майк Тайсон ва Леннокс Льюис эканлиги борасида хабар берган эдик. Кеча Руслан Чагаев бу борада ўз фикрлари билан ўртоқлашганди. Бу сафар эса Баҳодир улар ўртасидаги танловга қуйидаги тарзда муносабат билдирди.

 - Тўғриси, ҳар иккиси ҳам ўз даврининг жуда кучли боксчилари бўлган. Ҳар иккисини ҳам жангларини кўп кузатганман. Мени услубим Дьюисникига ўхшаганлиги учун унинг жанглари кўпроқ ёққан. Тайсон яқин масофада ишлаган. Льюис масофадан ишлаган. Шунинг учун айтиб ўтганимдек, Льюис кўпроқ ёққан. Бироқ, Тайсон барибир ўз даврининг энг сара боксчиларидан бири бўлган, тан олиш керак. Умуман олганда ҳар иккиси кучли бўлган.