Levandovski "Barsa"dan ketmoqchi emas

Hujumchi Robert Levandovski yaqinlashib kelayotgan yozgi transfer oynasida "Barselona"ni tark etmoqchi emas. Bu haqda insayder Florian Plettenberg X ijtimoiy tarmog‘ida ma’lum qildi. Manbaga ko‘ra, 37 yoshli polshalik hujumchi ham yozda professional faoliyatini yakunlash haqida o‘ylamayapti.

Joriy mavsumda polshalik futbolchi "Barselona" safida 12 ta o‘yinda maydonga tushib, 7 ta gol urdi.

Avvalroq, OAVda futbolchiga Italiyaning "Milan" va Turkiyaning "Fenerbaxche" klublari qiziqish bildirayotgani haqida xabarlar tarqalgan edi.

Robert Levandovskining "Barselona" bilan amaldagi kelishuvi 2026 yilning 30 iyuniga qadar mo‘ljallangan.