Levandovski "Barsa"dan ketmoqchi emas!

"Barselona" hujumchisi Robert Levandovski kelasi yozda Kataloniya klubini tark etish niyatida emas, deb xabar berdi "Sport".

Manbaga ko‘ra, polshalik forvard "ko‘k-anorranglilar" jamoasida hamma narsadan mamnun va u yaqinda Saudiya Arabistoni taklifini rad etgan. Chunki u yangi mavsumni Xavi jamoasida boshlamoqchi.

35 yoshli futbolchining "Barselona" bilan shartnomasi 2026 yilning yoziga qadar mo‘ljallangan. "Transfermarkt" portali uni 30 million evroga baholamoqda.

Joriy mavsumda Levandovski barcha musobaqalarda 19 ta o‘yinda qatnashib, 9 ta gol urdi va jamoadoshlariga 4 ta golli uzatmani amalga oshirdi.