Левандовски "Барселона" сафида юбилей ўйинини ўтказди

Испания чемпионатининг 4-тури доирасида Каталониянинг “Барселона” жамоаси ўз майдонида “Осасуна”ни қабул қилиб, 2:1 ҳисобида ғалаба қозонди. Ҳал қилувчи голни 11 метрлик масофадан  “кўк-анорранглилар” ҳужумчиси Роберт Левандовски киритди.

"Кўк-анорранглилар" клуби матбуот хизмати хабарига кўра, бу учрашув польшалик тўпурар учун"Барселона" либосидаги юбилей баҳс бўлди. Роберт каталонияликлар учун 50-жангини ўтказди ва 35 та гол урди.

Левандовски ўтган ёзда "Бавария"дан "Барселона"га ўтган эди. У каталонияликлар билан 2026 йилнинг ўрталарига қадар узоқ муддатли меҳнат шартномаси имзолади.