Левандовскига янги вариант чиқди

Италиялик журналист ва инсайдер Фабрицио Романо Испаниянинг “Барселона” клубини тарк этаётган польшалик ҳужумчи Роберт Левандовскининг келажаги ҳақида маълумот берди.

- “Фенербаҳче” Роберт Левандовскини эркин агент сифатида ўз сафига қўшиб олишга қизиқмоқда. Унинг вакиллари билан дастлабки алоқалар ўрнатилган. Ҳозирча Левандовски барча вариантларни баҳолаб чиқишга эътибор қаратяпти, - деб ёзди Фабрицио Романо.

Аввалроқ, 37 ёшли Роберт Левандовски жорий мавсум якунида “Барселона”ни тарк этишини расман эълон қилган эди.

Поляк ҳужумчиси каталонияликлар сафида 193 та ўйинда қатнашиб, 120 та гол урган ва 24 та голли узатмани амалга оширган.

“Фенербаҳче” ўтган Туркия чемпионатида иккинчи ўринни эгаллаб, яна бир бор чемпионликни “Галатасарой”га бой берган эди.