"Лейпциг" Симонс учун қанча сўраётгани маълум

"Лейпциг" Хави Симонс учун 80 миллион евро талаб қилмоқда.

Германиянинг "РБ Лейпциг" клуби нидерландиялик ярим ҳимоячи Хави Симонсни сотиш орқали катта даромад кўришни режалаштирмоқда. Европа нашрларининг хабарига кўра, клуб 22 ёшли футболчи учун 80 миллион евро сўрамоқда. Аввалроқ, Симонснинг "Лейпциг"ни тарк этишни истагани ҳақида маълумотлар пайдо бўлган эди. Бу қарор ортида, эҳтимол, унинг янги чақириқларга интилувчанлиги ётади.

Бундан ташқари, футболчига Англиянинг "Манчестер Юнатед" ва яна бир неча топ клублар жиддий қизиқиш билдирмоқда.

Жорий мавсумда Хави Бундеслигада 24 та учрашувда майдонга тушди, 9 та гол урди ва 7 та голли пас муаллифи бўлди.