Лиото Мачиданинг ўзбекистонлик варианти ёхуд Шоҳасан Мирзаматов ҳақида...(Видео)

Юртимиз ММА оламида тобора машҳурликка эришиб бораётган Шоҳасан Мирзаматов (5-1) 22 октябрь куни Тошкентда UFC жангчиси Маҳмуд Мурадовга тегишли "Muradov_professional_Liga" промошуенида навбатдаги жангини ўтказади. 

Хозирча рақиб маълум эмас, бироқ ушбу юртдошимизнинг ҳозирги кунда жисмоний ҳолати ажойиб кўриниш олган. Ўрта вазн (77.1 кг) тоифасида ҳаракат қилаётган Мирзаматов олти йиллик танаффусдан сўнг, яна катта спортга қайтган эди. Айнан ушбу фаолиятидаги катта узулишдан сўнг, бироз қийинчиликка учрагандек кўринди. Яъни, NFC промоушенида Серик Тлекеевдан учралган  мағлубият бунга мисол бўла олади. Сабаби, у ҳали жисмоний ҳолатини тўлиқ тиклаб улгурмаганди.

Ҳозирда эса, у юқорида айтиб ўтганимиздек, ажойиб жисмоний ҳолатга эга. Аслида, унинг кучли жиҳати "стойка"да жанг олиб боришдир. Оёқ ва қўл зарбалари ҳам кучли кўриниш олади. Бироз жиу-жит-су ҳамда греплинг борасида камчиликлар йўқ эмасди.

Лекин сўнги вақтларда Аҳлиддин Мирзадавлатов билан машғулотлар олиб бораётган Мирзаматов бу борада ҳам ўзини ижобий жиҳатдан кўрсата оляпти. Ушбу жангчимизни ўхшатиш жоиз бўлса, собиқ UFC чемпиони ҳозирда "Bellator"да фаолият юритаётган Лиото Мачидага қиёслаш мумкин. Албатта, бу шахсий фикрим. Чунки, ҳар иккиси каратэда тобланган ва кейинчалик бошқа спорт турларини ҳам ўзлаштирган. Жанг олиб бориш услублари ҳам бироз ўхшаб кетади. 

У сўнги бор "Октагон" промоушенида кутилмганда жангга чорлаган украиналик Максим Сорокани дастлабки сониялардаёқ техник нокаутга учратганди. 

Хуллас, ушбу жангчимиздан ижобий натижалар қайд этишини кутиш мумкин. Дарвоқе, Sports.uz сайти Шоҳасан Мирзаматов билан билан "Youtube" канали учун эксклюзив интервью ташкил қилинган.

Мазкур суҳбат мобайнида:

1.Максим Сорока нима учун жангга чорлаганининг асл сабаби,

2.Шахсий шер боласи ва йўлбарслари ҳақида,

3. Ўзбекистоннинг энг кучли ўзбекистонлик ММА вакиллари борасидаги фикрлари,

4. UFCда натижа кўрсатиши мумкин бўлган ўзбекистонлик жангчилар дея кимларни эътироф этиши...

Шу каби қизиқ саволларга ойдинлик киритилган. Тез орада Sports.uz сайтининг "Youtube" каналида томоша қиласиз.