"Ливерпуль" "Барса" юлдузи бўйича таклиф юборди
«Барселона» ярим ҳимоячиси Френки де Йонгга «Ливерпуль»дан жиддий қизиқиш борлиги маълум бўлди.
El Nacional нашри хабар беришича, англиялик клуб каталонияликларга нидерландиялик футболчи учун 40 миллион евро таклиф қилган. Аммо «Барселона» бу таклифни рад этган.
Манбага кўра, «Барселона» Френки де Йонгни сотиш имкониятини кўриб чиқишга тайёр, лекин фақат 70 миллион евродан кам бўлмаган таклиф келиб тушса, музокарага ўтиришлари мумкин.
29 ёшли де Йонг жорий мавсумда ҳали бирор ўйинда майдонга тушгани йўқ. У ҳозирча олган жароҳатидан тўлиқ тикланиш билан банд.
Футболчининг «Барселона» билан амалдаги шартномаси 2029 йилнинг ўрталаригача мўлжалланган. Transfermarkt портали мутахассислари де Йонгнинг трансфер қийматини 35 миллион евро атрофида баҳоламоқда.
Фикрлар