"Ливерпуль" трансфери барбод бўлди

«Ливерпуль» клуби «Вулверхэмптон»нинг португалиялик  ҳужумкор футболчиси Матеуш Мане трансфери бўйича музокаралар олиб боргани маълум қилинди. 

Бу ҳақда TEAMtalk нашри хабар берди.

Бироқ «қизиллар» раҳбарияти «Вулверхэмптон»ни футболчини сотишга кўндиролмади. Клуб Мане билан хайрлашишни истамади. Шунингдек, португалиялик вингерга «Манчестер Юнайтед» ҳам жиддий қизиқиш билдиргани айтилмоқда.

Матеуш Маненинг амалдаги шартномаси 2029 йил ёзигача мўлжалланган. Эслатиб ўтамиз, «Вулверхэмптон» Англия Премьер-лигасидан чиқиб кетган ва ҳозир Чемпионшип дивизионида иштирок этмоқда.