“Ливерпуль” 9 нафар суперфутболчини кутмоқда

Ёзда “Ливерпуль” таркибида жиддий ўзгаришлар бўлади. Клуб раҳбарияти жамоани янги ижрочилар ёрдамида кучайтиришга қарор қилган.

“Қизиллар” ёзда қуйидаги футболчиларни олиб келишга уриниб кўради. Нишондаги футболчиларнинг аксарияти бошқа клубларни ҳам жиддий қизиқтираётгани трансферларнинг қийин бўлишидан дарак бермоқда.

Флориан Виртц – “Байер” етакчиси 100 миллион евродан қиммат туради. 21 ёшли ҳужумкор футболчини “Реал” ҳам кўзлаган.

Федерико Кьеза – “Ювентус” билан шартномаси якунланишига бир йил қолган ўйинчини олишни режалаштираётганлар кўп.

Виктор Дьокереш – “Спортинг”даги голлари билан мавсум кашфиёти бўлди.

Рафаэль Леау – “Милан” тўпурари анчадан бери турли клублар диққат марказида турибди.

Бундан ташқари, “Ливерпуль” рўйхатига Карим Адейеми (“Боруссия Дортмунд”), Виктор Осимхен (“Наполи”), Тен Копмейнерс (“Аталанта”), Квинтен Тимбер (“Фейеноорд”), Дензел Дюмфрис (“Интер”) каби футболчилар ҳам киритилган.