"Ливерпуль" Арнольдга ўринбосар топди

"Ливерпуль" ўнг қанот ҳимоячиси Трент Александер-Арнольднинг ўрнини босиши мумкин бўлган футболчини танлади. "Қизиллар" тарбияланувчиси 2024/2025 йилги мавсум якунида Мадриднинг "Реал" клубига ўтишга яқин турибди.

"TodoFichajes" портали маълумотларига кўра, мерсисайдликлар Трентнинг ўрнига Лондоннинг "Челси" клуби футболчиси, 21 ёшли Мало Густони трансфер қилишни хоҳлашмоқда. Франциялик футболчининг трансфер нархи 35 миллион еврога баҳоланмоқда, унинг "Челси" билан шартномаси 2030-йилнинг ўрталарига қадар амал қилади.

Жорий мавсумда Густо Англия Премьер-лигасида 20 та ўйинда майдонга тушди. Ҳимоячи битта голли узатма амалга оширди ва учта сариқ карточка олди.