“Ливерпуль” беш ҳужумчини нишонга олди

Англиянинг янги чемпиони “Ливерпуль” келаси мавсум олдидан жамоанинг ҳужум чизиғини сезиларли даражада кучайтиришни мўлжалламоқда.

Арне Слот ўз таркибида кўп гол ура оладиган янги форвардни кўрмоқчи.

Ливерпулликлар ёзда жамоага таклиф этиладиган беш нафар ҳужумчи рўйхатини шакллантирди. Клубнинг асосий нишони Англия Премьер-лигасига тўлиқ мослашган ва тўпурар қобилиятини намойиш қилиб келаётган “Ньюкасл” форварди Александер Исаак ҳисобланади.

Иккинчи номзод яна бир швециялик тўпурар Виктор Дьёкереш экани айтилмоқда. “Спортинг” форвадига бошқа клублардан ҳам чорловлар бор.

“Ливерпуль” швед футболчиларидан ташқари Уго Экитике (“Айнтрахт”), Лиам Делап (“Ипсвич”) ҳамда Виктор Осимхен (“Наполи”) билан ҳам ҳамкорлик қилишга тайёр.

Ўз навбатида, “Ливерпуль”ни жамоада ишлари юришмаётган Дарвин Нуньес тарк этиши кутиляпти. Янги ижрочи айнан уругвайлик футболчи ўрнини тўлдириш учун олинади.