"Ливерпуль" етакчиси "Барселона" нишонида

"Ливерпуль"нинг нидерландиялик ҳимоячиси Виржил Ван Дейкга "Барселона" қизиқиш билдирмоқда. Бу ҳақда "El Nacional" хабар берди. 

Манбага кўра, испан клуби шартномаси 2025 йилнинг ёзида якунланадиган 33 ёшли футболчини ўз таркибига қўшиб олмоқчи. 

Ушбу трансферни амалга ошириш учун каталонияликлар катта эҳтимол билан уругвайлик Рональд Араухо билан хайрлашиши керак бўлади. Унга АПЛнинг бир қатор клублари қизиқиш билдирмоқда. 

Ван Дейк жорий мавсум клуб миқёсида жами 32 та ўйин ўтказиб, 3 та гол ва 1 та голли узатма амалга оширди. "Трансфермаркт" порталига кўра, футболчининг бозор қиймати 28 миллион еврони ташкил қилади.