"Ливерпуль" ҳужумчиси Дивок Ориги давралар оралиғида Италия А Сериясига кўчиб ўтиши мумкин.

Бельгия терма жамоаси ҳужумчисини "Фиорентина" ўз сафида кўрмоқчи. Бу ҳақда La Repubblica нашри хабар бермоқда.

Гап шундаки, "бинафшаранглилар" ҳужум чизиғида жиддий ўзгаришлар қилмоқчи. Боиси, жамоанинг 3 та ҳужумчиси - Душан Влахович, Кристиан Куаме ва Патрик Кутроне А Сериянинг 13 та турида бор йўғи 4 та гол урди холос. Жамоа эса мусобақа жадвалида 16-ўринда бормоқда.

"Ливерпуль"га Диогу Жота кўчиб ўтгач, Ориги ҳам захира футболчисига айланиб қолди. Шу сабабли ҳам у бошқа жамоага ўтиши мумкин.

Матнда хатолик топсангиз, ўша хатони белгилаб, бизга жўнатинг (Ctrl + Enter)