"Ливерпуль" ҳимоячисининг трансфери барбод бўлди

"Ливерпуль" ҳимоячиси Эндрю Робертсоннинг "Тоттенхэм"га трансфери барбод бўлди. Бу ҳақда журналист ва инсайдер Бен Жейкобс Х ижтимоий тармоғида маълум қилди.

Манбага кўра, мерсисайдликлар "шпорлар" бош мураббийи Томас Франкга 31 ёшли шотландиялик футболчига ўринбосар топилмагани ва шу сабабли трансферни маъқулламаслигини билдирган. Қайд этилишича, шотландиялик футболчининг кетиши бўйича музокаралар ҳам Робертсон, ҳам "Ливерпуль" манфаатларини ҳисобга олган ҳолда олиб борилган.

Таъкидланишича, "Ливерпуль" "Тоттенхэм"нинг бонусларни ҳисобга олган ҳолда 5 миллион фунт стерлингдан (5,7 миллион евро) ортиқ таклифини қабул қилган ва грециялик Костас Цимикасни қайтариш имкониятини кўриб чиққан, аммо ҳозирча бу ғоядан воз кечишга қарор қилган. Робертсоннинг Лондон клубига трансфери билан боғлиқ вазиятга январь ойи охиридаги трансфер ўзгаришлари таъсир қилиши мумкин. Ҳимоячи трансфер учун очиқ, гарчи уни мажбурламаётган бўлса-да.

Робертсон "Ливерпуль" сафида 2017 йилнинг ёзидан буён тўп суриб келмоқда. Ушбу давр мобайнида ҳимоячи барча турнирларда 364 та учрашувда майдонга тушиб, 12 та гол ва 68 та голли узатмага муаллифлик қилган.