“Ливерпуль” катта трансфердан қуруқ қолди

“Ливерпуль”нинг янги бош мураббийи Арне Слот ёзги трансферлар вақтида ўзи истаган ўйинчини қўлга кирита олмаганини эътироф этди.

Маълумотларга қараганда, ливерпулликлар ўз сафида “Реал Сосьедад” ярим ҳимоячиси Мартин Субимендини кўришни истаган.

Аввал ҳам кўп маротаба айтаганимдек, жамоамиз жуда кучли ва уни янада кучайтира оладиган ўйинчини топиш осон эмас.

Субименди ана шундай ўйинчилардан бири эди, бироқ у жамоамизга келишни истамади.

Шу боис, биз қўл остимизда бор футболчилар билан олға интиламиз, - деди Арне Слот.

Мартин Субименди “Реал Сосьедад” жамоасида 2020 йилдан бери ўйнаб келмоқда. Анчадан бери гранд клублар нишонида турган футболчининг испан клуби билан ҳамкорлиги 2027 йилнинг ёзигача расмийлаштирилган.

Transfermarkt портали Субимендини 50 миллион еврога баҳоламоқда.