“Ливерпуль” катта трансферга қўл урди

Англия чемпионатида ғолибликка даъвогарлик қилаётган “Ливерпуль” таркибини янада кучайтириш борасида иш бошлади.

Маълумотларга қараганда, клуб раҳбарияти “Пари Сен-Жермен”да ўйнаётган 18 ёшли Уоррен Заир-Эмерини олиб келмоқчи.

“Ливерпуль” мутасаддилари футболчининг агентлари билан боғланиб, трансфер бўйича дастлабки маълумотларни олгани айтилмоқди.

“Қизиллар” бу трансферни амалга ошишига ишонмоқда. Клуб парижликларга ёш ҳужумкор футболчи учун 65 миллион евро тикишга тайёрлигини билдирди.

Заир-Эмери ПСЖ тарбияланувчиси ҳисобланади. Унинг амалдаги шартномаси 2029 йилнинг ёзигача давом этади. Transfermarkt портали экспертлари истеъдодли ярим ҳимоячини 60 миллион еврога баҳоламоқда.