"Ливерпуль" Мамардашвили трансферини эълон қилди

Расман Георгий Мамардашвили "Ливерпуль" аъзосига айланди. Бу ҳақида клуб ўз саҳифаси орқали маълум қилмоқда. 

Дарвозабон учун "қизиллар" "Валенсия"га 30+5 миллион евро тўлайди. Футболчи эса 2025 йилда мерсисайдликлар таркибига келиб қўшилади. Унгача ўз жамоасида ижара асосида ўйнайди. 

Мамардашвили "Евро-2024"да ўзини кўрсатиб, топ клублар эътиборига тушганди. Шундан кейин уни бир нечта жамоалар ўз сафига қўшиб олишга ҳаракат қилиб кўрди, лекин грузиялик посбон "Ливерпуль"ни танлади. 

Эслатиб ўтамиз, Георгий 2021 йили "Динамо Тбилиси"дан "Валенсия"га 800 минг евро эвазига кўчиб ўтган.