“Ливерпуль” қимматбаҳо ҳужумчига харидор

“Ливерпуль” жорий мавсумдан кейин таркибини жиддий тарзда кучайтириш режасини амалга оширишга бел боғлаган.

Журналист Экрем Конурнинг ёзишича, жамоани биринчи ўринга кўтарган янги бош мураббий Арне Слот ўз шогирдлари қаторига Александер Исаак қўшилишини истаяпти.

Швед ҳужумчиси ҳозир “Ньюкасл”да тўп тепмоқда. Мусобақа жадвалида еттинчи ўринда бораётган “қарғалар” агар жамоа келаси мавсум учун Европа Чемпионлар лигаси йўлланмасини қўлга кирита олмаса, Исаакни сотиб юбормоқчи.

29 ёшли тўпурар жорий мавсумда 29 та учрашувда иштирок этиб, ўз ҳисобига 19 та гол ва бешта ассист расмийлаштириб қўйди.

Transfermarkt порталига кўра, Александер Исаакнинг бугунги кундаги трансфер нархи 75 миллион еврони ташкил қилмоқда.