"Ливерпуль" сардори клуб ҳақида нималар деди?

Англиянинг "Ливерпуль" клуби ҳимоячиси Виржил ван Дейк жамоанинг ўйинлари ҳақида фикр билдирди.

"Айни вақтда жамоамизда вазиятни тубдан ўзгартириш учун ирода етарлича эканини кўриб турибман. Буни амалга ошириш  учун жамоадошларимга хоҳиш ва энергия керак бўляпти. Энг муҳими уларда ҳамма нарса бор. Майдонда нималар бўлаётганини англаб билишимиз ва шунга таъсир ўтказа олишимиз керак деб ўйлайман. Бизнинг ўйинимизда стабиллик етишмаяпти. Бироқ барқарорликка эришишни истаймиз. "Ливерпуль"даги бутун фаолиятим давомида бунга эриша олганмиз. Шунчаки шу руҳда давом этишимиз ва хотиржамликни сақлашимиз керак", - деди нидерландиялик ҳимоячи.

Маълумот учун, "қизиллар" АПЛнинг жорий мавсумида 16-турдан сўнг 26 очко билан 7-ўринни эгаллаб турибди.