“Ливерпуль” трансферни қўлдан чиқарди

Таркибини кучайтиришни истаётган Англиянинг  “Ливерпуль” клуби трансферлар рўйхатига киритилган “Монако” вингери Магнес Аклиуш учун курашда ПСЖга ютқазмоқда.

Июль ойида “Ливерпуль” ўнг қанот вингери позициясида ҳаракат қилувчи Аклиуш бўйича сўров юборгани маълум бўлган эди. Бу позицияда клубга Муҳаммад Салоҳнинг ўрнини босадиган футболчи керак.

Бироқ Sky Sports маълумотига кўра, ПСЖ ушбу трансферда устунлик қилмоқда. Франциянинг икки клуби ўртасидаги музокаралар якуний босқичга кирган.

Foot Mercato хабарига кўра, “Ливерпуль” Аклиушга ПСЖникидан ҳам яхшироқ шартлар таклиф қилган. Аммо Магнес барибир Англияга кўчиб ўтишни истамаган.

Кутилишича, ПСЖ ушбу трансфер учун 50 миллион евро (43 миллион фунт) тўлайди.