“Ливерпуль” юлдузи ўзига янги жамоа танлади
“Ливерпуль”да бир неча йилдан бери муваффақиятли тўп тепиб келаётган жамоа сардори Виржил ван Дейк мавсум якунлангач, Англия Премьер-лигасини тарк этиши кутилмоқда.
El Nacional нашрининг ёзишича, 33 ёшли нидерландиялик ҳимоячи фаолиятини Испания чемпионатида, янада аниўқроғи “Барселона”да давом эттиришга мойиллик билдиряпти.
Виржилнинг ливерпулликлар билан келишуви 30 июнь куни тугайди. Томонлар ҳамкорликни давом эттириш бўйича ҳали бир тўхтамга келгани йўқ.
“Барселона” жаҳоннинг энг кучли ҳимоячиларидан бирини эркин агент сифатида бепул ўз сафига қўшиб олишга қарши эмас. Агар бу трансфер ижобий ҳал бўлса, каталонияликлар уругвайлик марказий ҳимоячи Рональд Араухони сотиб юборади. Ҳозир уругвайлик футболчига Англия бир неча клубларидан жиддий қизиқиш бўляпти.
Фикрлар