“Ливерпуль”дан кетмасам бўлмайди

“Ливерпуль”нинг ўтган мавсум Англия чемпионатида ғолиб чиқишига катта таъсир ўтказган аргентиналик ярим ҳимоячи Алексис Мак Аллистер клубини ўзгартириш ниятида.

Бу ҳақда fichajes.net нашри хабар бермоқда.

Маълумотларга кўра, мерсисайдликлар футболчи трансфери бўйича расмий сўров олган.

Айтилишича, ярим ҳимоячи бошқа чемпионатда ўзини синаб кўрмоқчи. Аввалроқ Алексисга “Пари Сен-Жермен” ва “Реал” каби қудратли клублар кўз  тикаётгани ҳақида маълумотлар тарқатилган эди.

Мак Аллистернинг “Ливерпуль” билан амалдаги шартномаси 2028 йилнинг ёзигача амал қилади. Transfermarkt портали футболчини 80 миллион евро деб баҳоламоқда.