"Локомотив" - ОКМК ўртоқлик ўйинида 6 та гол урилди

ФИФА кунлари сабаб юзага келган танаффусдан унумли фойдаланишни мақсад қилган ОКМК ФК Тошкентда «Локомотив» жамоасига қарши назорат учрашувини ўтказди.

Учрашув ўзига хос форматда – ҳар бири 35 дақиқа давом этган тўртта тайм шаклида ташкил этилди. Баҳс давомида иккала жамоа ҳам фаол ва ҳужумкор ўйин намойиш этди. Натижада голларга бой тарзда кечган беллашув 3:3 ҳисобидаги дуранг натижа билан якунланди. 

ОКМК жамоасидан голларга Миржамол Қосимов, Али Абдураҳмонов ва Рубен Санчез муаллифлик қилишди. "Локо"дан Шодиёр Шодибоев, Абдулазиз Абдусаломов ва Акаки Шулайя киритишди.