"Локомотив" ўз базасида карантинга олинди

Москванинг “Локомотив” клуби футболчилари Баковкадаги қароргоҳда карантинга олинди. Бу ҳақда клуб расмий сайти хабар тарқатмоқда.

Бу Россия премьер-лигаси клубларида бирин-кетин коронавирус аниқланаётгани билан боғлиқ бўлиши мумкин.

“Темирйўлчилар” айни дамда РПЛ мусобақа жадвалида 44 очко билан 2-ўринда бормоқда. Марко Николич шогирдлари кейинги ўйинни 27 июнь куни “Рубин”га қарши ўтказади.