"Локомотив" хорватиялик ҳужумчи билан шартнома имзолади (фото)

Ўз олдига бир йил ичида Суперлигага қайтиш вазифасини қўйган "Локомотив" легионер ҳужумчини қўшиб олгани ҳақида хабар бергандик. Гап хорватиялик форвард Шиме Жужул ҳақида кетмоқда.

Бугун 27 ёшли ҳужумчи "Локомотив" ПФК базасига ташриф буюриб, 1+1 кўринишдаги шартномага имзо чекди. Маълумот учун, Шиме Жужул 1996 йил 10 январда Хорватиянинг Сплит шаҳрида туғилган. У машҳур "Хайдук" клуби тарбияланувчиси ҳисобланади.

Ўтган мавсумни Сингапур чемпионати вакили "Гейлан" таркибида ўтказган ҳужумчи 29 ўйинда майдонга тушиб, 19 та гол урган. Фаолияти мобайнида эса 153 та учрашувда иштирок этиб, 58 бор гол муаллифи бўлган.

Манба: "Локомотив" ПФК матбуот хизмати.