Лондон клуби дарвозабон трансферини эълон қилди

Праганинг "Спарта" клуби дарвозабони Антонин Кински фаолиятини Англия Премьер-лигасида давом эттиради.  

Собиқ "Сатурн" (Раменское) дарвозабони Антонин Кинскининг ўғли "Тоттенхэм" клубида фаолиятини давом эттиради. "Шпорлар" Кинскини ўз футболчиси сифатида таништиришди. Трансфер суммаси тахминан 10 миллион еврони ташкил қилди.

21 ёшли чех турли ёш тоифаларида миллий терма жамоа сафида ўйнаш тажрибасига эга.  

"Тоттенхэм" Англия Премьер-лигаси турнир жадвалида 12-ўринни эгаллаб турибди ва кучли бешликдан 11 очко ортда қолмоқда.