Луис Энрике “Барса” юлдузининг сирини очиб ташлади

ПСЖ бош мураббийи Луис Энрике агар жамоаси Европа Чемпионлар лигасининг плей-оффида “Барселона”га тўқнаш келиб қолса, каталонияликларнинг нозик нуқтаси борлигини ошкор қилди.

Испаниялик мутахассис уругвайлик ҳимоячи Рональд Араухо “Барселона”нинг заиф нуқтаси эканини айтиди.

- Араухо – юқори даражали футболчи, лекин айнан у каталонияликлар орасида тўп билан энг бўш ишлайдиган ўйинчи ҳисобланади.

Биз агар “Барселона”га тўқнаш келсак, Араухо тўпни қабул қилиб олганида унга прессинг қўллаб, пас бериши мумкин бўлган йўналишларни ёпиб ташлашимиз керак, - деди Луис Энрике.

ПСЖ ва “Барселона” ўтган йили Европа Чемпионлар лигасининг 1/4 финалида ўзаро тўқнаш келган. Каталонияликлар сафар учрашувидан 3:2 ҳисобидаги ғалаба билан қайтиб, жавоб ўйинида ўз майдонида 1:4 ҳисобида имкониятни бой берган.

“Барса” учун аламли тугаган ўйинда Рональд Араухо босимга дош беролмай, қизил карточка олган ва шу орқали парижликлар вазиятни ўз фойдасига ҳал қилган эди.