Лукаку 24 ёшида Бельгия терма жамоаси тўпурарларига етиб олди
Ads

Бельгия терма жамоаси ҳужумчиси Ромелу Лукаку кеча бўлиб ўтган Мексикага (3:3) қарши ўртоқлик ўйинида дубль қайд этишга эришди.

Эътиборлиси, 24 ёшли футболчи бу билан ўзининг терма жамоадаги голлари сонини 30тага етказиб олди. Унга бу натижани қайд этиши учун бор йўғи 61та ўйин кифоя қилди.

Таъкидлаш лозимки, Лукаку бу борада Бельгия терма жамоасининг собиқ аъзолари Бернард Ворхоф ва Поля ван Химстларга тенглашиб олди. Ушбу футболчилар ҳисобида ҳам 30тадан гол мавжуд эди.