Лукаку дубль қайд этган баҳсда "Челси" йирик ҳисобда ғалаба қозонди

Англия Прмеьер-лигаси 4-тури доирасидаги "Челси" ҳамда "Астон Вилла" жамоалари ўртасидаги ўйин ўз якунига етди. Унда лондонликлар 3:0 ҳисобида зафар қучди.

Дастлаб, Лукаку 15-дақиқада йўллаган аниқ зарбаси билан ҳисобни очган бўлса, иккинчи таймда Ковачич ўз исмини таблога ёздириб қўйишга муваффақ бўлди. Ҳакам томонидан қўшиб берилган дақиқаларнинг учинчисида Ромелу дублни расмийлаштирди.

Шундай қилиб, "аристократлар" очколари сонини 10 тага етказиб олди ва 2-ўринга кўтарилди. 4 очко жамғарган бирмингемликлар онлайн жадвалда 12-поғонани банд этган. 

• 90+5'
  

  Учрашув якунланди. "Челси" ишонч билан қадам ташлашда давом этади!

• 90+3'
  

  ГОООООООООООООЛ! Лукаку дублни расмийлаштирмоқда!

  Ромелунинг жарима майдони чизиғидан берган зарбасини дарвозабон қайтара олмади.

• 90+1'
  

  Жоржиньога тиббий ёрдам кўрсатилди.

• 90'
  

  Ўйиннинг асосий вақтига 4 дақиқа қўшилди.

• 87'

  Лондонликлар мудофааси рақиб уринишларини бирин-кетин бартараф этмоқда.

• 85'

  Бу сафар МакГин йўллаган зарба дарвозага аниқ бормади.

• 83'

  Тайрон Мингснинг кучли зарбаси рекошет натижасида бошқа йўналишга кетди.

• 82'
  

  Хадсон-Одои ўз ўрнини Тимо Вернерга бўшатиб берди.

• 82'

  Хаким Зиешнинг олис масофадан берган зарбасига аниқлик етишмади.

• 81'

  Айни дақиқаларга келиб тўп назорати "аристократлар" томонда бўлиб турибди.

• 79'
  

  Каллум Хадсон-Одои воқеалар ривожидан бироз илгарилаб кетди.

• 78'

  Жарима майдонига оширилган тўпни Менди ушлаб олди.

• 76'

  Маркос Алонсонинг зарбасига бироз аниқлик етишмади.

• 74'
  

  Яқин масофадан берилган зарбани Менди ушлаб олди.

• 72'

  Бирмингемликлар сўнгги дақиқаларда фаолликни оширди.

• 69'
  

  Дэнни Ингс ўз ўрнини Бертран Траорега бўшатиб берди.

• 66'

  Матео Ковачичнинг зарбаси ноаниқ кетди.

• 64'
  

  Кай Хаверц ўз ўрнини Аспиликуэтага бўшатиб берди.

• 61'
  

  Ҳужумда қоида бузган Маркос Алонсо огоҳлантирилди.

• 59'

  Олли Уоткинснинг бу сафарги уриниши бироз ноаниқ кетди. У бугун жуда фаол ўйнамоқда.

• 56'
  

  Жэйкуб Рэмси ўз ўрнини Леон Байига бўшатиб берди.

• 54'
  

  Хадсон-Одоининг узатмасини Конса бартараф этди.

• 53'

  "Челси" футболчилари рақиб прессингидан комбинациялар орқали чиқиб кетмоқда.

• 51'

  Кай Хаверцнинг ўткир бурчакдан берган зарбаси ноаниқ кетди.

• 49'
  

  ГООООООООООООЛ! "Челси" ҳисобни ишончли кўринишга келтирди!

  Мингснинг хатосидан сўнг бирга-бир вазяитга чиқиб борган Ковачич дарвозани аниқ нишонга олди.

• 47'

  Менди тўпга чиқишда хато қилди. Унинг бахтига Туанзебе мўлжалда адашди.

• 46'
  

  Иккинчи тайм бошланди!

• 46'
  

  Биринчи таймда боши хатодан чиқмаган Сауль ўрнига Жоржиньо ўйинга қўшилди.

• 45+2'
  

  Танаффус!

• 45+1'

  Алонсонинг узатмасига Лукаку ета олмади.

• 45'
  

  Биринчи таймга 2 дақиқа қўшилди.

• 43'

  Бўлим сўнгини бирмингемликлар нисбатан фаолроқ ўтказмоқда.

• 41'
  

  Рэмсининг уринишидан кейин Менди тўпга эга чиқди.

• 40'
  

  Хаким Зиешнинг ўзи ёқтирган усулда берган зарбасини дарвозабон ушлаб олди.

• 37'

  Саулнинг бу сафарги хатосидан сўнг Сильва тактик фол ишлатишга мажбур бўлди.

• 35'

  Ўйин тенг курашлар ва шиддатли ҳужумлар остида давом этмоқда.

• 33'
  

  Мингс ва Ингснинг кетма-кет икки кучли зарбасини Менди қайтарди. Даҳшат!

• 32'

  Зиешнинг узатмасидан кейин тўп дарвозабоннинг қўлларига бориб тушди.

• 30'

  Кай Хаверц Дуглас Луизни алдай олмади ва тўп йўқотди.

• 29'

  Сауль бугун жуда кўп хатога йўл қўймоқда. Бу сафар кераксиз жойда қўполлик.

• 28'
  

  Хадсон-Одоини йиқитган Мингсга сариқ карточка кўрсатилди.

• 27'

  Дуглас Луизнинг кучли зарбаси ноаниқ кетди.

• 25'

  Хадсон-Одои қанотдан тўпни оширди. Ҳимоячилар чаққонроқ чиқди.

• 23'
  

  Тьяго Сильвадан сейв! Дарвозабонни алдаб ўтган Уоткинс томонидан берилган зарбани ҳимоячи қайтарди.

• 21'

  Бирмингемликлар сафида Уоткинс алоҳида ажралиб турибди.

• 19'

  Менди бу сафар жарима майдонига оширилган тўпни муштлари билан уриб юборди.

• 17'
  

  Олли Уоткинснинг зарбасини Менди бартараф этди.

• 15'
  

  ГОООООООООООЛ! "Челси" ҳисобни очди!

  Ковачичдан чиройли пас қабул қилиб олган Лукаку бир ҳимоячини алдаб ўтди ва дарвозани ишғол этди.

• 13'

  "Аристократлар" босимни давом эттирмоқда.

• 11'
  

  Маркос Алонсога тиббий ёрдам кўрсатилмоқда.

• 9'

  Жарима майдонига оширилган тўпни "Челси"дан ҳеч ким дарвозага йўллай олмади. Қулай имконият қўлдан кетди.

• 8'
  

  Жэйкуб Рэмси огоҳлантирилди.

• 7'

  Жарима майдонига оширилган тўпни Рюдигер узоқлаштирди.

• 5'

  Тухель жамоаси ўз услубига мос равишда эрта прессинг уюштирмоқда.

• 3'

  Фаоллик "кўклар" томонда бўлиб турибди.

• 1'

  Кутилмаганда, илк сониялардан олдинга ўтган Рюдигер узоқ масофадан зарба берди. Ҳимоячилар тўпни қайтарди.

• 1'
  

  Учрашувга старт берилди!