Лукакудан юз ўгиришди

“Челси” қутилишга ҳаракат қилаётган яна бир қимматбаҳо футболчилардан бири Ромелу Лукаку ҳисобланади.

“Аристократлар” сафига икки маротаба қўшилган бельгиялик форвард Лондон клубида ўзини кўрсата олмаганидан кейин ижарама-ижара юришига тўғри келяпти.

Лукакунинг амалдаги шартномаси 2025 йилнинг ёзида тугайди. Шу боис, “аристократлар” келаётган ёзда уни сотиб юбориб, сарфланган маблағнинг бир қисмини қайтаришга уриниб кўради.

“Челси” мутасаддилари Лукакуни Саудия клубларига таклиф қилди ва унга 60 миллион евро миқдорида нарх қўйди. Бу биринчи вариант ҳисобланади.

Яна бир йўли ҳужумчини “Рома”да қолдириш. Бунинг учун Рим клуби бу йил Европа Чемпионлар лигаси йўлланмасини қўлга киритиши керак. Лекин Италия клублари одатда қиммат трансферларни амалга оширавермайди.

Агар бу икки вариант ўхшамаса, “Челси” Европанинг бошқа клубларидан таклиф кутишига тўғри келади.