Лукас Васкес: Бензема - феномен
Ads

Мадриднинг “Реал” клуби форварди Лукас Васкес кеча “Алавес”га (4:0) қарши баҳсдан сўнг франциялик жамоадоши Карим Бенземага нисбатан илиқ фикрлар билдириб ўтди.

“Бензема учун хурсандман, чунки у ҳақиқий феномен. Карим ушбу баҳсда гол уришга лойиқ эди.

Ўзимга келадиган бўлсам,  мен “Реал” сафида янада кўпроқ муваффақиятларга эришмоқчиман. Айни дамдаги ҳолатим куздагидан кўра анча яхши ва мен ушбу тезликни пасайтирмаслигим керак”, - дейди Васкес.

Маълумот учун, Лукас Васкес жорий мавсум Ла Лигада жами 22та учрашувда майдонга тушган ва ўз ҳисобига 3та гол ҳамда 7та голли узатма ёздириб қўйишга эришган.