Лукман "Атлетико"даги илк ўйинидаёқ икки самарали ҳаракат қайд этди

Адемола Лукман "Атлетико" сафидаги биринчи учрашувидаёқ икки самарали ҳаракат амалга оширди.

Вингер трансфер ойнасининг сўнгги кунида "Аталанта"дан 35+5 миллион евро эвазига харид қилинган эди.

Бугун нигериялик футболчи Испания Кубоги доирасида "Бетис"га қарши баҳсда янги жамоаси сафида дебют қилди. У 37-дақиқада гол урди, 62-дақиқада эса Антуан Гризманнга голли узатмани амалга оширди.

Шунингдек, 30-дақиқада Жулиано Симеоне аниқ зарба билан якунлаган ҳужумда ҳам Лукманнинг узатмаси ҳал қилувчи босқичлардан бири бўлди.