Лунин келажаги борасида бир қарорга келди

Мадриднинг "Реал" клуби посбони Андрей Лунин келажаги борасида бир қарорга келди. "Todofichajes" нашри хабарига кўра, Лунин Европа грандларидан бўлган таклифларга қарамасдан, Мадридда қолмоқчи.

Манба берган хабарга кўра, "қироллик клуби" Андрей билан келаси ҳафта янги меҳнат шартномасини имзолайди. Келишув Чемпионлар лигаси финал ўйини олдидан расман эълон қилиниши кутилмоқда. Аввалроқ 25 ёшли кепернинг хизматларгига, ПСЖ ва "Манчестер Юнайтед" жамоалари қизиқиш билдираётгани ҳақида хабарлар берилган эди. 

Маълумот учун, кеча Лунин ва "Реал" Чемпионлар лигаси финалига чиқди. Турнирнинг ярим финалида мадридликлар Мюнхеннинг "Бавария" жамоасини (2:2, 2:1) мағлуб этишди.