Мадияр Данияров чорак финалда ғалаба қозонди

Хабарингиз бор, 24 майдан 1 июнгача Таиланднинг Бангкок шаҳрида бокс бўйича халқаро турнир бўлиб ўтади.

Терма жамоамиз вакиллари эса “Thailand Open” жангларида ғалабали юришини давом этмоқда.

Мадияр Данияров филиппинлик Жон Наполесга қарши -60 кг да рингга кўтарилди.

Биринчи раунд кичик устунлик билан рақиб фойдасига ҳал бўлди, бироқ кейинги раундларда боксчимиз Филиппин вакилига ҳеч қандай имкон бермади ва якунда ҳакамларнинг якдил қарорига кўра ғалаба қозонди.

Эслатиб ўтамиз, бизни олдинда яна бир юртдошимиз Элёрбек Жўрабоев ва жанубий кореялик Жунг Ҳанеул тўқнашуви кутмоқда.