Мадрид суперклуби тўпурарига Америкадан даҳшатли таклиф тушди

Испания футболида катта шов-шув: “Атлетико Мадрид” клуби жамоа тўпурари ва содиқ футболчиси Антуан Гризманни сотиб юборишга тайёр.

Гризманн ва унинг жамоаси Испания кубоги ярим финалида “Барселона”ни икки учрашув якунига кўра, умумий 4:3 ҳисобида мағлуб этиб, финалга йўлланма олди.

Ўйиндан сўнг Гризманн ўзининг Инстаграм саҳифасида рақибларини бироз “мот қилиб  қўйди”. У ўтган йили “Барселона” футболчилари уни устидан кулган расмга жавобан, худди ўша сўзлар билан қасос олди.

Лекин асосий гап бу эмас. Гризманни АҚШнинг “Орландо” клуби ўз сафига чорламоқда. Америка клуби шундай катта пул таклиф қилганки, ҳаттоки бу сумма “Атлетико”ни ҳам ҳайрон қолдириб, қарорини ўзгартиришига туртки бўлди.

Илгари клуб Гризманни “сотилмайди” деб турганди, лекин  таклифдан кейин вазият бошқача.  Чунки америкаликлар бераётган сумма клуб учун жуда манфаатли.

Клуб раҳбарияти Гризманни энди "алмаштириб бўлмас куч" деб ҳисобламаяпти.

Мураббий Диего Симеоне Гризманни яхши кўришини айтса-да, унинг кетишига қарши эмаслигини, футболчи ўз бахтини излаши кераклигини шаъма қилди.

“Орландо” клуби март ойи тугагунча жавоб кутмоқда. Улар: “ Гризманн ва “Атлетико” тезроқ қарор қабул қилмаса, бошқа юлдузни сотиб оламиз”, деб шарт қўйган.

Демак, яқин кунларда Гризманни океан ортида — Америка чемпионатида кўриб қолсак ажаб эмас.